İQTİSADİYYAT


Nyu-Yorkda keçiriləcək ABŞ-Xəzər Biznes Forumuna 100-dən çox şirkət qatılacaq

Vaşinqton, 21 sentyabr, AZƏRTAC 

Sentyabrın 25-də Nyu-Yorkda Xəzər Siyasət Mərkəzi tərəfindən təşkil edilən ABŞ-Xəzər Biznes Forumu keçiriləcək. ABŞ-ın siyasi və biznes liderləri və Beynəlxalq Transxəzər Nəqliyyat Marşrutu üzərində yerləşən ölkələrin nümayəndələrini bir araya gətirən forumda Xəzər regionunun iqtisadi və siyasi perspektivləri müzakirə ediləcək, müxtəlif layihələrin maliyyələşdirilməsi imkanlarına, bank sektorunun və normativ-hüquqi bazanın potensialına baxılacaq.

Bu mövzularda çıxış etmək üçün Azərbaycanın xarici işlər naziri Elmar Məmmədyarov, ABŞ Dövlət Katibinin Cənubi və Mərkəzi Asiya üzrə müavini, səfir Alis Vells, ABŞ Dövlət Katibinin Avropa və Avrasiya işləri üzrə müavini Corc Kent, Əfqanıstanın iqtisadi məsələlər üzrə xarici işlər nazirinin müavini Adela Raz, Gürcüstan xarici işlər nazirinin müavini Vaxtanq Maxaroblişvili, Əfqanıstanın maliyyə nazirinin vəzifəsini icra edən Məhəmməd Qayum da forumda iştirak edəcək.

Xatırladaq ki, Xəzər Siyasət Mərkəzi və ABŞ Ticarət Palatası ilə yanaşı, Xəzər regionu ölkələrinin ABŞ-dakı səfirlikləri də bu biznes-forumun təşkilatçılarıdır.

 

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.