DÜNYA


Nyu-Yorkda qərb yarımkürəsinin ən hündür baxış meydançası tikiləcək

Bakı, 12 mart, AZƏRTAC

Nyu-Yorkda qərb yarımkürəsinin ən hündür baxış meydançası 2020-ci ildə ziyarətçilərin üzünə açılacaq.

AZƏRTAC CNN telekanalına istinadla xəbər verir ki, “The Edge” adlı meydança Hudzon çayının sahilində, Manhattan adasının qərbində tikilən “Hudson Yards Tower” göydələninin 100-cü mərtəbəsində, 335 metr hündürlükdə yerləşəcək. Buradan bütün Nyu-Yorku seyr etmək mümkün olacaq.

Üçbucaq meydança göydələnin divarından 19,8 metr kənara çıxacaq. Onun mərkəzi hissəsi yüksək dayanıqlı şüşədən inşa ediləcək. Sürətli lift ziyarətçiləri 60 saniyə ərzində 100-cü mərtəbəyə qaldıracaq. Meydançanın yanında restoran və bar fəaliyyət göstərəcək.

Hazırda Nyu-Yorkun ən hündür baxış meydançası Empire State Building göydələnində, 320 metr hündürlükdə yerləşir.

Vaxtilə dəmiryol xətlərinin yerləşdiyi Hudson Yards rayonunun yenidən qurulması ABŞ-ın ən iri özəl developer layihəsidir. Layihə 28 milyard dollar həcmində qiymətləndirilir. Tikinti işləri başa çatdıqdan sonra burada 100 mağaza və restoran açılacaq, konsert zalı inşa ediləcək və park salınacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.