İDMAN


OLİMPİYA MƏŞƏLİNİN QİTƏLƏRDƏN QİTƏLƏRƏ SƏFƏRİ 50 MİLYON DOLLARA BAŞA GƏLMİŞDİR

AZƏRTAC xəbər verir ki, Nyu-Yorkda çıxan “Uoll strit jörnəl” qəzeti Olimpiya məşəlinin daşınması əməliyyatını təfərrüatı ilə işıqlandıraraq, onu təhlükəsizlik tədbirlərinin miqyasına görə ABŞ Prezidentinin kampaniyası ilə müqayisə etmişdir.

Qəzet yazır ki, indiki Olimpiadaya qədər məşəlin aparılması estafeti, əslində, adi bir prosedurdan ibarət idi. Onu Yunanıstanın Olimpiya şəhərində yandırır və Oyunları qəbul edən ölkəyə yola salırdılar. Lakin bu dəfə Olimpiyadan Afinayadək təxminən 100 kilometrlik məsafə Oyunların təşkilatçılarına, başlıcası isə, sponsorlarına çox qısa görünmüşdür. “Koka-Kola” və “Samsunq” şirkətləri öz loqotiplərinin imkan daxilində daha çox ölkədə nümayiş etdirilməsini istəyirdilər.

Odur ki, dünyada iki ən iri sərnişin təyyarəsi – iki “Boinq-747” məşəli daim müşayiət edən 110 adamı, habelə mərasimlərin iştirakçısı olan 20 qızı bir qitədən digərinə aparmışdır. Alovun özü, necə deyərlər, 6 “törəmə” məşələ bölünmüşdü, təyyarələrin hərəsi üç məşəl aparırdı. Məşəllər gecələr qonaq otaqlarında saxlanılırdı, hər otaqda iki məşəl və iki mühafizəçi olurdu. Nəticədə, bütün əməliyyat 50 milyon dollara başa gəlmişdir.

Məqalədə deyilir ki, bütün estafet zamanı alov bir neçə dəfə sönmüşdür. Belə hallarda onları ehtiyat məşəldən yandırırdılar. Bu əməliyyat 15 saniyədən artıq çəkmirdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.