AZƏRTAC xəbər verir ki, Azərbaycan hökuməti ilə Beynəlxalq İnkişaf Assosiasiyası arasında imzalanmış sazişə əsasən həyata keçirilən Təhsil Sektorunun İnkişafı Layihəsi (TSİL) çərçivəsində ABŞ-ın Montana Universitetində təlim kurslarında iştirak edən təhsil işçilərimiz universitetin mərkəzi kitabxanasında tədbir keçirmişlər.

Öncə, respublikamızın Dövlət himni səsləndirilmişdir.

Sonra Təhsil Nazirliyinin təmsilçiləri Namiq Məmmədov, Vüqar Əbdülrəhimov, Təhsil Problemləri İnstitutunun əməkdaşları Afət Süleymanova, Elmira Əliyeva, Sahib Məcidov, Nəzakət Mehdiyeva Azərbaycan təhsilinin inkişafı ilə bağlı həyata keçirilən islahatlar və digər mövzularla bağlı çıxış etmiş, tədbir iştirakçılarını maraqlandıran suallara cavab vermişlər.