İQTİSADİYYAT
OPEC-in ABŞ-a qarşı bazar itkisi 2020-ci ilin ortalarınadək davam edəcək
Bakı, 11 mart, AZƏRTAC
OPEC-in bir vaxtlar ən böyük müştərilərdən biri olan ABŞ-a qarşı bazar payını itirməsi Birləşmiş Ştatlarda şist neftinin istehsalının artması ilə 2020-ci ilin ortalarına qədər davam edəcək.
AZƏRTAC xəbər verir ki, bu barədə Beynəlxalq Enerji Agentliyi (IEA) məlumat yayıb. Bildirilir ki, OPEC üzrə xam neft hasilatının həcmi İran və Venesuelada istehsalın geriləməsi ilə azalacaq. Rəqabətin artması ilə OPEC-in istehsalına qarşı qlobal tələbat qeyd edilən dövrdə 2016-cı ilin əvvəlindəki səviyyəyə qayıtmayacaq.
IEA-ya görə, ABŞ-ın enerji artımı davam edəcək. 2024-cü ilə qədər qlobal istehsaldakı artımın 70 faizini bu ölkə təmin edəcək. ABŞ-ın gündəlik neft ixracı 9 milyon barreli keçərək və Rusiyanı geridə qoyaraq Səudiyyə Ərəbistanına çatacaq.
Qeyri-OPEC ölkələrinin xam neft tədarükü isə 2024-cü ilə qədər gündəlik 3,3 milyon barrel arta bilər.