OPEC-in Baş katibi: Bu il qlobal neft tələbatı gündəlik 95,9 milyon barrelə çatacaq

Bakı, 4 yanvar, AZƏRTAC

Cari ildə qlobal xam neft tələbatı sutkada 95,9 milyon barrelə yüksələcək.

AZƏRTAC xəbər verir ki, bu sözləri OPEC-in Baş katibi Məhəmməd Sanusi Barkindo deyib.

O bildirib ki, OPEC-ə üzv və qeyri-üzv ölkələrin qəbul etdiyi gündəlik hasilatda 0,5 milyon barrellik artım qarşıdakı aylarda mərhələli şəkildə bazara sutkada 2 milyon barrel neft həcmlərinin daxil olmasına şərait yaradacaq. Cari ildə xam neft tələbatı tədricən artacaq və gündəlik 95,9 milyon barrelə yüksələcək. 2020-ci ilə görə bu, 5,9 milyon barrellik artım deməkdir. İqtisadi Əməkdaşlıq və İnkişaf Təşkilatına (OECD) üzv olmayan ölkələrdə isə artım sutkada 3,3 milyon barrel təşkil edəcək.