DÜNYA


Odessa limanlarında Ukrayna taxılı olan 16 gəmi yola düşməyi gözləyir

Kiyev, 1 avqust, AZƏRTAC

Odessa vilayətinin limanlarında Ukrayna taxılı olan 16 gəmi yola düşməyi gözləyir. Ukrayna kənd təsərrüfatı məhsullarının yüklənməsi üçün gəmilərin gəlməsinə dair yeni müraciətlər alır.

AZƏRTAC xəbər verir ki, bu barədə Ukrayna Prezident Ofisinin rəhbərinin müavini Kirill Timoşenko özünün teleqram səhifəsində yazıb.

"İndi Odessa vilayətinin limanlarında Ukrayna taxılı olan 16 gəmi var və onlar yola düşməyi gözləyir. Bunlar fevralın sonundan limanlarda qalan gəmilərdir. Yaxın gələcəkdə biz kənd təsərrüfatı məhsullarının tam ötürülmə qabiliyyətinə çatmağı planlaşdırırıq”, - deyə Timoşenko bildirib.

Onun sözlərinə görə, limanların işə düşməsi ölkə iqtisadiyyatına ən azı 1 milyard dollar gətirəcək.

Qeyd edək ki, taxıl və digər ərzaq məhsullarının daşınması müqaviləsi çərçivəsində Ukrayna limanlarından qarğıdalı yüklü ilk gəmi bu gün saat 09:30-da Livana getmək üçün Odessa limanından yola düşüb.

Məlumata əsasən, Syerra-Leone bayrağı altında üzən "Razoni" adlı quru yük gəmisi Livana doğru hərəkət edəcək. İlk gəminin ardınca digər gəmilərin də müəyyən edilmiş dəhlizlər və marşrutlar çərçivəsində yola çıxması planlaşdırılır.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.