DÜNYA


Odessa şəhərindəki islah düşərgəsində kütləvi iğtişaş baş verib

Bakı, 27 may, AZƏRTAC

Ukraynanın Odessa şəhərində yerləşən 51 saylı ümumi rejimli Cənub koloniyasında kütləvi iğtişaş və qaçış halları qeydə alınıb.

AZƏRTAC “Dumskaya” nəşrinə istinadla xəbər verir ki, hazırda penitensiar müəssisə binası yanır. İlkin məlumata əsasən, iğtişaşlar nəticəsində həlak olanlar və girov götürülənlər var.

Müəssisənin yaxınlığında çox sayda təcili tibbi yardım və polis maşınları cəmlənib. Qaçan məhbusların bir hissəsini yenidən həbs etmək mümkün olub.

Bir qədər sonra nəşr həlak olanlar və girovlar barədə informasiyanı təkzib edib. Həmçinin qaçış hallarının qeydə alınmadığı bildirilir. Milli polis rəisinin birinci müavini Vyaçeslav Abroskinin sözlərinə görə, məhbuslar inzibati binanı tutmağa cəhd göstərib və yanğın törədiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.