DÜNYA


Odessadan hərəkət edən ilk yük gəmisi İstanbulun Boğaziçi sahillərində lövbər salıb

İstanbul, 2 avqust, AZƏRTAC

Türkiyə, Rusiya, Ukrayna və Birləşmiş Millətlər Təşkilatı arasında imzalanan “Taxıl və ərzaq məhsullarının Ukrayna limanlarından təhlükəsiz daşınması” müqaviləsi çərçivəsində avqustun 1-də Odessadan hərəkət edən ilk gəmi İstanbulun Boğaziçi sahillərində lövbər salıb.

AZƏRTAC xəbər verir ki, bu barədə Türkiyənin Milli Müdafiə Nazirliyindən bildirilib.

Syerra-Leone bayrağı altında üzən 27 min ton qarğıdalı yüklü "Razoni" adlı quru yük gəmisi avqustun 3-də səhər saatlarında İstanbulda birgə nümayəndə heyəti tərəfindən yoxlanıldıqdan sonra Livana doğru hərəkət edəcək.

İlk gəminin ardınca digər gəmilərin də müəyyən edilmiş dəhlizlər və marşrutlar çərçivəsində yola çıxması planlaşdırılır.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.