İDMAN


Oğlan basketbolçulardan ibarət İspaniya millisi “EYOF Bakı 2019”un qızıl medalını qazanıb

Bakı, 27 iyul, AZƏRTAC 

İyulun 27-də XV Avropa Gənclər Yay Olimpiya Festivalında basketbolçu oğlanların mübarizəsinə yekun vurulub.

AZƏRTAC xəbər verir ki, yarışın həlledici qarşılaşması Türkiyə və İspaniya komandaları arasında oynanılıb. “Sərhədçi” İdman Olimpiya Mərkəzində keçirilən oyunda 65:52 hesabı ilə qalib gələn İspaniya yığma komandası XV Avropa Gənclər Olimpiya Festivalının qızıl medalına sahib olub.

Yarışda 5-6-cı yer uğrunda Avropa Azərbaycan Məktəbində keçirilən görüşdə Litva basketbolçuları Yunanıstan komandasına qalib gəlib – 86:76.

Xatırladaq ki, gün ərzində daha əvvəl başa çatan oyunlarda Serbiya seçmə komandası Fransa yığmasını 75:57 hesabı ilə məğlub edərək bürünc medala layiq görülüb. Yarışda 7-8-ci yerlər uğrunda qarşılaşmada isə Azərbaycan və Xorvatiya basketbolçuları qarşılaşıblar. Basketbolçularımız 31:44 hesabı ilə geri düşdükləri oyunda əzmkarlıq göstərək 64:51 hesabı ilə qələbə qazanıblar.

Bununla da festivalda oğlan basketbolçuların mübarizəsinə yekun vurulub. Yarışda fəxri kürsüdə müvafiq olaraq İspaniya, Türkiyə və Serbiya komandaları yer alıblar. Azərbaycan yığma komandası yarışı 7-ci pillədə başa vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.