REGİONLAR


Oğurluqda şübhəli bilinən qrup üzvləri saxlanılıb VİDEO

Zərdab, 2 sentyabr, AZƏRTAC 

Zərdabda oğurluq üstündə şübhəli bilinən 3 nəfərlik qrupun üzvləri saxlanılıb.

AZƏRTAC-ın bölgə müxbiri xəbər verir ki, “VOLTAJ Elektrik və Təmir Tikinti” idarəsinin rəhbərliyi avqustun 31-də Zərdab Rayon Polis Şöbəsinə ərizə ilə müraciət edərək idarədən 1500 manat dəyərində əmlakın oğurlandığı barədə məlumat verib. Şöbənin əməkdaşlarının apardıqları əməliyyat-axtarış tədbirləri nəticəsində həmin idarədə işləyən Saatlı rayon sakini Alışov Nəriman Əlifağa oğlu, İmişli rayon sakini Feyzullayev Sərraf Zahir oğlu və Zərdab rayon sakini Şirinov Akif Əkbər oğlu şübhəli şəxs qismində saxlanılıb. Məlum olub ki, hər 3 şəxs qabaqcadan əlbir olaraq avqustun 29-da saat 00.00 radələrində Zərdab-Ağcabədi avtomobil yolunun sağ tərəfində yerləşən “Məlikli” yarımstansiyasının həyətindən gizlin olaraq qazanc əldə etmək üçün idarəyə məxsus elektrik naqillərini oğurlayıblar. Oğrular naqilləri 60 manata Zərdab rayon sakini Arazov Zöhrab Kərəm oğluna satıblar.

Dindirilmə zamanı hər 3 şəxs elektrik naqillərini işlədikləri idarədən oğurladıqlarını etiraf edib.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.