REGİONLAR


Oğuz sakinlərinin qaz təsərrüfatına dair problemləri dinlənilib

Bakı, 30 noyabr, AZƏRTAC

“Azəriqaz” İB-nin bölgələrdə keçirdiyi “Açıq mikrofon” aksiyasının növbəti ünvanı Oğuz rayonu olub.

İB-dən AZƏRTAC-a bildirilib ki, səyyar qəbul otağında ilk olaraq “Azəriqaz”ın Zaqatala Regional Qaz İstismarı İdarəsinin rəis müavini Miramil Kərimov çıxış edərək sakinlərə aksiyanın məqsəd və məramını izah edib. Daha sonra görüş iştirakçıları qaz təchizatında üzləşdikləri problemləri ünvanlayıblar. Müraciətlər əsasən Mollalı kəndinin qazlaşdırılmasından ibarət olub. Mikrofon önünə keçən sakinlər onlara məxsus fərdi yaşayış evində sonradan ödənişli (mexaniki tipli) qaz sayğacının öncədən ödənişli (smart-kart tipli) qaz sayğacı ilə əvəz olunmasını istəyiblər. Aksiyada səslənən digər müraciətlər isə qaz xəttinin yerinin dəyişdirilməsi və küçə qaz xəttinin çəkilməsi kimi məsələləri əhatə edib.

Hər bir müraciət Zaqatala Regional Qaz İstismarı İdarəsinin rəhbərliyi tərəfindən cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.