REGİONLAR


Oğuzda Müstəqillik Gününə həsr olunan voleybol birinciliyinin qalibləri müəyyənləşib

Oğuz, 25 may, Mustafa Dadaşov, AZƏRTAC

Oğuzda 28 May – Müstəqillik Gününə həsr olunmuş məktəb komandaları arasında voleybol üzrə rayon birinciliyi başa çatıb. Oğuz Rayon Gənclər və İdman İdarəsi, Təhsil şöbəsi və rayon Uşaq-Gənclər İdman-Şahmat məktəbinin birgə təşkilatçılığı ilə şəhər 2 saylı tam orta məktəbin idman zalında keçirilən yarışda rayonun ümumtəhsil məktəblərini təmsil edən oğlanlardan ibarət 8 komanda mübarizə aparıb.

Rayon Gənclər və İdman İdarəsindən AZƏRTAC-ın bölgə müxbirinə bildirilib ki, yekun nəticələrə əsasən, Qarabulaq kənd tam orta məktəbin komandası birinciliyin qalibi adını qazanıb. Sonrakı yerləri Qumlaq kənd və Oğuz şəhər 1 saylı tam orta məktəblərin komandaları tutublar.

Birinciliyin qaliblərinə diplom və fəxri fərmanlar təqdim edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.