Oğuzda Ulu Öndərin xatirəsinə həsr olunan voleybol üzrə rayon birinciliyi başa çatıb

Oğuz, 10 may, Mustafa Dadaşov, AZƏRTAC

Ümummilli lider Heydər Əliyevin anadan olmasının 99-cu ildönümü münasibətilə Oğuz Olimpiya İdman Kompleksində keçirilən böyüklər arasında voleybol üzrə rayon birinciliyi başa çatıb. Azərbaycan Voleybol Federasiyasının yerli nümayəndəliyinin, Oğuz Rayon İcra Hakimiyyətinin, rayon Gənclər və İdman İdarəsinin, Uşaq-Gənclər İdman-Şahmat Məktəbinin birgə təşkilatçılığı ilə keçirilən birincilikdə 6 komanda mübarizə aparıb.

Rayon Gənclər və İdman İdarəsindən AZƏRTAC-ın bölgə müxbirinə bildirilib ki, yekun nəticələrə əsasən, “Qafqaz” komandası birinciliyin qalibi olub. Sonrakı yerləri “Qızılqaya” və “AFRA” komandaları tutublar.

Qalib komandalar kubok, medal, diplom və qiymətli hədiyyələrlə təltif olunublar.