REGİONLAR


Oğuzda qarğıdalı və tütün sahələrində məhsul yığılır

Oğuz, 1 oktyabr, Mustafa Dadaşov, AZƏRTAC

Cari mövsümdə Oğuz rayonunda 227 hektar qarğıdalı sahəsinin məhsulunun yığılması nəzərdə tutulur. Hazırda təsərrüfatlarda qarğıdalı yığımı davam edir. İndiyədək 31 hektar sahənin məhsulu yığılıb, 152 ton dən qarğıdalı istehsal olunub. Hələlik hər hektardan orta məhsuldarlıq 48,9 sentner təşkil edir.

Bu barədə AZƏRTAC-ın bölgə müxbirinə rayon icra hakimiyyəti aparatının şöbə müdirinin müavini Qəmzə Süleymanova məlumat verib.

Rayonda tütün yığımı da davam edir. Bu il oğuzlu fermerlər 250 hektar sahədə tütün yetişdiriblər. Tütünün əkin sahəsi əvvəlki illə müqayisədə 60 hektar artırılıb. İstehsalçılar bu günədək sahələrdən 1242 ton yaşıl tütün kütləsi yığıblar. Eyni zamanda, fermerlər indiyədək yetişdirdikləri tütün sortlarından 130 ton quru tütün istehsal ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.