CƏMİYYƏT


Oktyabrın 8-dən etibarən havanın temperaturu nisbətən yüksələcək

Bakı, 5 oktyabr, AZƏRTAC

Hazırda respublika ərazisində qeyri-sabit hava şəraiti müşahidə olunur. Belə hava şəraitinin oktyabrın 6-sı günortayadək davam edəcəyi gözlənilir. Belə ki, sabah gündüz saatlarından etibarən küləyin sürəti zəifləyəcək. Havanın temperaturu Bakıda və Abşeron yarımadasında 15-18, bölgələrdə 18-22 dərəcə arasında dəyişəcək. Oktyabrın 7-də də bəzi bölgələrdə havanın yağıntılı olacağı proqnozlaşdırılır. Mülayim cənub-şərq küləyi əsəcək.

Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova məlumat verib.

Onun sözlərinə görə, oktyabrın 8-dən etibarən hava şəraiti nisbətən mülayimləşəcək, gün ərzində əsasən yağmursuz keçəcək. Hərarət bu günlərlə müqayisədə tədricən yüksələcək. Şimal-şərq küləyi əsəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.