CƏMİYYƏT


Oktyabrın əvvəllərindən quru quşlarının ovuna icazə veriləcək

Bakı, 28 sentyabr, AZƏRTAC

Hər zaman sentyabrın əvvəlindən quru, oktyabrın əvvəllərindən isə su-bataqlıq quşlarının ovuna icazə verilirdi. Bu il bir az gecikmələr oldu ki, bunun da səbəbləri var. Azərbaycanda yay mövsümünün isti, quraq keçməsi bəzi yanğınlara səbəb oldu. Ov edən şəxslərin ərazidə ocaqqalama və ehtiyatsızlığı ucbatından əlavə yanğınların başvermə ehtimalını nəzərə alaraq ov mövsümünü oktyabrın əvvəllərinədək müvəqqəti saxladıq. Düşünürəm ki, bu, çox düzgün verilmiş bir qərar oldu. Çünki son dönəmlərdə hətta bəzi ovçuluq təsərrüfatlarında da yanğınlar müşahidə edilirdi.

AZƏRTAC xəbər verir ki, bunu Bioloji Müxtəlifliyin Qorunması Xidmətinin rəisi Firuddin Əliyev Ekologiya və Təbii Sərvətlər Nazirliyinin rəsmi feysbuk səhifəsində yayımlanan “Ekspert saatı”nda deyib.

“Havaların nisbətən sərinləşməsi, respublikanın müxtəlif ərazilərində yağıntıların müşahidə olunması nəzərə alınaraq quru quşlarının ov mövsümünə oktyabrın əvvəllərindən başlanılması nəzərdə tutulub”, - deyə F.Əliyev bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.