CƏMİYYƏT


Ölkə ərazisində avqustun 16-dan etibarən havanın temperaturu yüksələcək

Bakı, 14 avqust, AZƏRTAC

Ölkə ərazisində qeyri-sabit hava şəraiti avqustun 16-dək davam edəcək. Mülayim şimal-qərb küləyi əsəcək, arabir sürətlənəcək. Bəzi yerlərdə yağış yağacaq, ayrı-ayrı yerlərdə leysan xarakterli, intensiv olacaq. Havanın hərarətinin Bakıda və Abşeron yarımadasında 26-29°, bölgələrdə 25-30° isti olacağı proqnozlaşdırılır. Avqustun 16-17-də ölkə ərazisində hava şəraitinin sabitləşəcəyi, gün ərzində əsasən yağmursuz keçəcəyi gözlənilir. Havanın temperaturu ötən günlərlə müqayisədə 2-3° yüksələcək.

Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova məlumat verib.

G.Məmmədova havanın sərin keçməsinin və temperaturun enməsinin şimaldan gələn soyuq hava kütlələrinin və şimal küləklərinin üstünlüyü ilə əlaqədar olduğunu deyib. O, əsasən dağlıq və dağətəyi rayonlarda yağıntılı hava şəraitinin müşahidə olunduğunu qeyd edib. Direktor yaxın bir neçə gün ərzində anomal istilərin hələ ki, gözlənilmədiyini də diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.