MƏDƏNİYYƏT


Ölkəmizə gələn turistlər arasında sorğu keçirilib

Bakı, 15 sentyabr, AZƏRTAC

Ötən il Dövlət Statistika Komitəsinin Tədqiqat və statistika sektoru tərəfindən ölkəni tərk edən turistlər arasında sorğu təşkil olunub.

AZƏRTAC xəbər verir ki, sorğu qonaqların Azərbaycan haqqında təsəvvürlərini anlamaq məqsədilə təşkil edilib. Sorğunun nəticələrinə əsasən, əcnəbi turistlər arasında ən məşhur regionlar Qəbələ, Quba, Şəki, Qusar, Şamaxı, Gəncə və Naftalan kimi şəhərlər olub. Ən məşhur görməli yerlər tarixi məkanlar (70 faiz) və məşhur abidələr (55 faiz) hesab olunub. Xarici turistlər əsasən şəxsi təhlükəsizlik və rahatlıq, yerli insanların mehribanlığı və yerli mətbəxin keyfiyyətindən məmnundurlar, yerləşdirmə vasitələri, suvenir və aviabiletlərin qiymətlərindən isə nisbətən narazıdırlar.

Sorğu dörd şəhərdə - Quba, Şəki, Lənkəran və Gəncədə həm xarici, həm də yerli turistlərlə üz-üzə müsahibələr əsasında aparılıb. Sorğu nəticələrinə əsasən hər şəhər üçün əsas turizm məkanları və turizm fəaliyyət növləri aşkar edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.