REGİONLAR


“Ölkəmizi tanıyaq” tur-aksiyasının iştirakçıları arasında inşa müsabiqəsi keçirilib

Masallı, 3 dekabr, Bağır Əliyev, AZƏRTAC

Masallı şəhərindəki Gənclər Mərkəzində “Ölkəmizi tanıyaq“ maarifləndirici tur-aksiyasında iştirak etmiş məktəblilər arasında “Doğma yurdum Azərbaycan” mövzusunda keçirilən inşa yazı müsabiqəsinin qalibləri müəyyənləşib.

AZƏRTAC-ın bölgə müxbiri xəbər verir ki, inşa müsabiqəsində tur-aksiyada iştirak etmiş rayonun ümumtəhsil məktəblərinin 40 şagirdi bilik və bacarıqlarını nümayiş etdirib.

Münsiflər heyətinin qərarına əsasən “Dəfinə” məktəb-liseyin X sinif şagirdi Minarə Əsgərova birinci, Mahmudavar kənd tam orta məktəbin IX sinif şagirdi Aytac Qafarova ikinci, Viləş kənd tam orta məktəbin X sinif şagirdi Dürbalaisə Əhmədova üçüncü yerə layiq görülüblər.

Qaliblərə fəxri fərman və hədiyyələr təqdim olunub.

Qeyd edək ki, dövlətimizin başçısının təşəbbüsü ilə “Ölkəmizi tanıyaq” devizi ilə keçirilən maarifləndirici tur-aksiya çərçivəsində Masallı məktəbliləri noyabrın 14-17-də Gəncə şəhəri, Şəmkir və Göygöl rayonları ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.