CƏMİYYƏT


Ombudsman Səbinə Əliyeva və Aparatın kollektivi Fəxri xiyaban və Şəhidlər xiyabanını ziyarət edib

Bakı, 10 noyabr, AZƏRTAC 

Noyabrın 10-da Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva və Aparatın kollektivi Azərbaycanın Ermənistan tərəfindən işğal edilmiş torpaqlarının azad edilməsi ilə nəticələnən tarixi qələbə münasibətilə Fəxri xiyaban və Şəhidlər xiyabanını ziyarət edib.

Ombudsman Aparatından AZƏRTAC-a bildirilib ki, əvvəlcə Fəxri xiyabanda müstəqil Azərbaycanın memarı ulu öndər Heydər Əliyevin məzarı ziyarət edilib, xatirəsinə ehtiram ifadə olunub.

Daha sonra Ombudsman və Aparatın kollektivi Şəhidlər xiyabanı və II Fəxri xiyabanda Azərbaycanın azadlığı, ərazi bütövlüyü uğrunda canından keçmiş şəhidlərin məzarlarını ziyarət edərək, onların xatirəsinə dərin ehtiramlarını bildiriblər.

Qurumun kollektivi Azərbaycanın inamlı qələbə qazanmasında xüsusi rəşadət göstərən Ordumuzun şəhid olmuş hərbi qulluqçularına rəhmət diləyir, yaralıların tezliklə sağalmasını arzu edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.