CƏMİYYƏT


Ombudsmanın regional mərkəzlərində onlayn tədbirlər təşkil edilib

Bakı, 11 may, AZƏRTAC

Azərbaycan Respublikasının İnsan Hüquqları üzrə Müvəkkilinin (Ombudsmanın) regional mərkəzləri Azərbaycan xalqının ümummilli lideri Heydər Əliyevin anadan olmasının 98-ci ildönümü ilə əlaqədar onlayn tədbirlər keçiriblər.

Ombudsman Aparatından AZƏRTAC-a bildirilib ki, Ombudsmanın Şəki Regional Mərkəzi Qəbələ rayon Heydər Əliyev Mərkəzi ilə birgə Qəbələ rayonunda fəaliyyət göstərən idarə, müəssisə və təşkilatların əməkdaşlarının iştirakı ilə “Heydər Əliyev müasir Azərbaycan dövlətinin banisidir” mövzusunda videokonfrans keçirib. Şəki Regional Mərkəzinin rəhbəri Pərviz Məmmədov çıxış edərək, Ulu Öndərin təşəbbüsü ilə 28 dekabr 2001-ci il tarixində “Azərbaycan Respublikasının İnsan Hüquqları üzrə Müvəkkili (Ombudsman) haqqında” Konstitusiya Qanununun qəbul edilməsinin ölkənin hüquq sistemində həyata keçirilmiş digər islahatlarla yanaşı Azərbaycanın demokratik və hüquqi dövlət kimi tanınmasında mühüm əhəmiyyət kəsb etdiyini qeyd edib.

Ombudsmanın Gəncə Regional Mərkəzinin rəhbəri Səbuhi Abbasov Gəncə şəhər Heydər Əliyev Mərkəzi və Mərkəzi Kitabxana Sisteminin 16 nömrəli kitabxana filialı ilə birgə təşkil etdiyi “Azərbaycan qədər əbədi lider” mövzusunda onlayn tədbirdə çıxış edərək Azərbaycanın bu gün dünyada müstəqil, hüquqi və demokratik dövlət kimi tanınmasının Heydər Əliyevin adi ilə bağlı olduğunu bildirib.

Ombudsmanın Quba Regional Mərkəzinin rəhbəri Bəhruz Əfəndiyev Quba Heydər Əliyev Mərkəzi ilə birgə Şabran, Siyəzən Heydər Əliyev mərkəzlərinin iştirakı ilə “Heydər Əliyev və insan hüquqları” mövzusunda təşkil olunan videokonfransda çıxış edərək, ölkəmizdə insan hüquqlarının müdafiəsi istiqamətində qəbul edilmiş normativ sənədlər, dövlət proqramları, institusional islahatlar barədə danışaraq bu sahədə Ulu Öndərin əvəzsiz rolu olduğunu qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.