MƏDƏNİYYƏT


Opera və Balet Teatrının oktyabr repertuarı maraqlı tamaşalarla zəngindir

Bakı, 23 sentyabr (AZƏRTAC). Azərbaycan Dövlət Akademik Opera və Balet Teatrının oktyabr repertuarı maraqlı tamaşalarla zəngindir.

AZƏRTAC xəbər verir ki, oktyabrın 1-də Əfrasiyab Bədəlbəylinin “Qız Qalası” baleti, ayın 4-də Qaetano Donisettinin “Sevgi şərbəti” operası nümayiş etdiriləcək.

Teatrın kollektivi oktyabrın 5-də Qara Qarayevin “Leyli və Məcnun”, Lüdviq Minkusun “Don Kixot” baletlərini təqdim edəcək.

Opera həvəskarları oktyabrın 8-də Üzeyir Hacıbəylinin “Əsli və Kərəm”, ayın 11-də Rudjero Leonkovallonun “Payatsı”, baletsevərlər isə ayın 12-də Lüdviq Minkusun “Paxita”, Frederik Şopenin əsərləri əsasında “Şopeniana” səhnə əsərlərinə baxa bilərlər.

Tamaşaçılar oktyabrın 15-də M.Maqomayevin “Şah İsmayıl”, ayın 18-də Cakkomo Puççininin “Toska”, 19-da Astor Pyatsollanın və b. “Məhəbbət tanqosu” operalarına baxa bilərlər.

Üzeyir Hacıbəylinin “Leyli və Məcnun” və “Koroğlu” operaları müvafiq olaraq oktyabrın 22-də və 25-də göstəriləcək.

Teatrın kollektivi oktyabrın 26-da Adolf Adanın “Jizel” baletini, ayın 29-da isə Üzeyir Hacıbəylinin “O olmasın, bu olsun” əsərini təqdim edəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.