MƏDƏNİYYƏT
Operasevərlər “Kənd namusu”na yenidən baxacaqlar
Bakı, 29 yanvar, AZƏRTAC
Azərbaycan Dövlət Akademik Opera və Balet Teatrının repertuarında özünəməxsus yer tutan Pyetro Maskanyinin “Kənd namusu” növbəti dəfə operasevərlərə təqdim olunacaq.
Teatrdan AZƏRTAC-a bildirilib ki, almaniyalı rejissor Lüdviq Baumannın quruluşunda baxılacaq səhnə əsərində rollarda aparıcı solistlər Qərinə Kərimova, Samir Cəfərov, Taleh Yahyayev, Nina Makarova və Səbinə Vahabzadə çıxış edəcəklər.
Xronometrajı 1 saat 50 dəqiqə olan səhnə əsəri Xalq artisti Yalçın Adıgözəlov tərəfindən idarə olunacaq. Operanın əsas qəhrəmanları - öz məhəbbətinə hədsiz dərəcədə sədaqətli olan Santutsa, yüngül xasiyyətli, şıltaq Lola, ehtiraslı Turiddu və öz rəqibindən amansız qisas alan Alfiodur. Operanın İtaliya xalq mahnılarının əsasında qələmə alınmış musiqisi, əsərin kəskin süjet xəttinə uyğun olub, qəhrəmanların xarakterinin daha aydın şəkildə açılmasına yardım edir.