REGİONLAR


Ordubadlı qadınlar toxuculuq təlimlərinə cəlb olunublar

Ordubad, 27 iyul, AZƏRTAC

Muxtar respublikanın Ordubad rayonunda qadınlar toxuculuq təlimlərinə cəlb olunublar.

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsindən AZƏRTAC-ın Naxçıvan bürosuna bildirilib ki, təlimdə sağlamlıq imkanları məhdud 14 qadın, aztəminatlı ailənin 3 üzvü və Ordubad Rayon Uşaq-Gənclər Yaradıcılıq Mərkəzinin 4 dərnək rəhbəri olmaqla, 21 nəfər iştirak edib.

Təlimi istedadlı toxucu qadın Reyhanə Rəhimova əyani vəsaitlərdən istifadə etməklə keçib.

Toxuculuq sənətinin inkişaf etdirilməsi, qadınların bu sahəyə marağının artırılması, eyni zamanda onların sosial vəziyyətinin yaxşılaşdırılmasına kömək etmək məqsədilə keçirilən təlim “2021-2025-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ilə əlaqədar həyata keçirilir. Bu ilin ötən dövrü ərzində Sədərək, Culfa, Şərur və Şahbuz rayonlarında da təlimlər keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.