REGİONLAR


Ordumuz iftixarımız, qürur mənbəyimizdir

Ağdam, 26 iyun, AZƏRTAC

Ağdam rayonunun Mahrızlı kəndindəki Rahib Məmmədov adına Döyüş Şöhrəti Muzeyində 26 İyun - Silahlı Qüvvələr Günü münasibətilə tədbir keçirilib.

AZƏRTAC-ın bölgə müxbiri xəbər verir ki, mədəniyyət işçilərinin, müəllim və şagirdlərin, gənclərin, N saylı hərbi hissənin zabit və əsgərlərinin, Azərbaycan Alpaqut Federasiyasının Ağdam rayon filialının idmançılarının iştirak etdikləri tədbirdə əvvəlcə dövlət himni səsləndirilib.

Mərasimdə Döyüş Şöhrəti Muzeyinin direktoru Sahib Məmmədov, Tarix-Diyarşünaslıq Muzeyinin direktoru Ülvi Qədirov, rayon Gənclər və İdman İdarəsinin rəis müavini Anar Əsgərov, Azərbaycan Alpaqut Federasiyasının Qarabağ regional nümayəndəliyinin rəhbəri Kənan Quliyev çıxış edərək Azərbaycan Silahlı Qüvvələrinin yaranma tarixindən, son illərdə ordu quruculuğu sahəsində əldə olunmuş uğurlardan danışıblar. Bildirilib ki, ordumuz hər birimizin iftixarı, xalqımızın qürur mənbəyidir.

Sonra məktəblilər vətənpərvərlik mövzusunda kompozisiya göstərib, şeirlər söyləyiblər. Təqdim olunan milli rəqslər, hərbi hazırlıqla bağlı çıxış və gənc idmançıların döyüş məharəti maraqla qarşılanıb.

Tədbir "Qarabağ şikəstəsi"nin ifası ilə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.