DÜNYA


“Orion” kosmik gəmisi Ayın orbitini tərk edərək Yerə qayıtmağa hazırlaşır

“Orion” kosmik gəmisi Ayın orbitini tərk edərək Yerə qayıtmağa hazırlaşır

Bakı, 3 dekabr, AZƏRTAC

“Artemis I” missiyası çərçivəsində orbitə buraxılan "Orion" kosmik gəmisi Ayın orbitini tərk edərək dekabrın 11-də Yerə qayıdacaq.

AZƏRTAC xəbər verir ki, bu barədə ABŞ-ın Milli Aeronavtika və Kosmik Fəzanın Tədqiqatı İdarəsinin (NASA) cümə günü yaydığı bəyanatda deyilir.

NASA-nın məlumatına görə, “Orion” dekabrın 1-də Ay səthini tərk etmək üçün mühərrikini işə salıb. Dekabrın 5-də cihaz Yerin təbii peykinin səthindən 126,7 kilometr hündürlüyə qalxacaq və dekabrın 11-də San Dieqo şəhəri yaxınlığında Sakit okeana enəcək.

Noyabrın 16-da NASA “Artemis” proqramının birinci mərhələsi çərçivəsində “Orion” kosmik gəmisini daşıyan super-ağır “Space Launch System” daşıyıcı raketini fəzaya buraxıb. İkinci mərhələ (Artemis 2) göyərtəsində ekipajın olduğu “Orion” kosmik gəmisinin Ayın ətrafında dövr etməsini, üçüncü (Artemis 3) mərhələ isə astronavtların Aya enişini və müntəzəm idarəolunan missiyaları nəzərdə tutur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.