İDMAN


Ostində Formula 1 ABŞ Qran-Prisinin keçirilməsi sual altındadır

Bakı, 22 may, AZƏRTAC

ABŞ Qran-Prisi mövsümünün yeni təqviminin ilkin versiyası oktyabrın 25-nə nəzərdə tutulub, lakin Ostində yürüşün keçirilməsi getdikcə daha çox sual doğurur.

AZƏRTAC xəbər verir ki, koronavirus pandemiyası başlanandan Ostində müxtəlif məhdudiyyətlər qüvvədədir. Hazırda şəhər ən çoxu on insanın iştirakı ilə tədbirlərin keçirilməsinə imkan verən üçüncü mərhələdədir. Tibb eksperti doktor Mark Eskottun sözlərinə görə, məhdudiyyətlər yalnız dekabrda götürülə bilər.

O deyib: "Ləğv etdiyimiz ilk tədbirlər böyük tədbirlərdir və keçirilməsinə icazə veriləcək son tədbirlər də bu tədbirlər olacaq, çünki belə tədbirlərdə xeyli insanın, xüsusən bir ailənin üzvlərinin yoluxması riski var".

Biz müxtəlif planlar üzərində çalışırıq və mıəhdudiyyətlərin aradan qaldırılması üçün proqnozlar qururuq. Amma indi dekabrın sonuna kimi 2500-dən çox insanın iştirakı ilə tədbirlərin keçirilməsinə imkan verəcək heç bir əlamət görmürük".

Eskott bildirib ki, kütləvi tədbirlərin keçirilməsinə koronavirusa yoluxma hallarının sayının azalması təsir göstərə bilər. O deyib: "Bu, sosial məsafəyə əməl etməyimiz və imkanı olan insanların evdə qalmaları üçün yaxşı stimuldur. Biz, bir cəmiyyət kimi, vəziyyətin yaxşılaşmasına kömək etməliyik ki, artıq payızda bu məhdudiyyətləri götürmək mümkün olsun".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.