İQTİSADİYYAT
Ötən 3 ildə milli ödəniş sisteminin dövriyyəsi 73 faiz artaraq 274 milyard manat olub
Bakı, 16 may, Pərvanə Rəhimova, AZƏRTAC
Son 3 ildə bütün nağdsız ödəniş sistemində artım müşahidə olunur.
AZƏRTAC xəbər verir ki, bu barədə Azərbaycan Mərkəzi Bankının (AMB) Ödəniş sistemləri və hesablaşmalar departamentinin direktoru Kəmalə Qurbanova Maliyyə və Texnologiyalar Sammitində “Dövlət Proqramı – rəqəmsallaşmaya gedən yol” mövzusunda çıxışında deyib.
“Milli ödəniş sisteminin dövriyyəsi ötən 3 ildə 73 faiz artaraq 274 milyard manat təşkil edib. Kart ödənişləri və nağdsız dövriyyədə də kifayət qədər artım - 154 faiz artım müşahidə olunub”, - deyə K.Qurbanova bildirib.
O qeyd edib ki, hazırda ölkənin milli ödəniş sisteminin infrastrukturunun komponentləri bir-birilə tam inteqrasiya olunmuş formada fəaliyyət göstərir.