DÜNYA


Ötən həftə Yaponiyada 23 nəfər günvurmadan ölüb

Tokio, 14 avqust, AZƏRTAC

Yaponiyada ötən həftə ərzində günvurma nəticəsində 23 nəfər ölüb, 13 minə yaxını isə xəstəxanalara yerləşdirilib.

AZƏRTAC xəbər verir ki, bu barədə avqustun 14-də Yaponiya Baş Yanğınsöndürmə İdarəsi məlumat yayıb.

Bildirilib ki, ötən yeddi gündə Yaponiyanın bütün ərazisində günvurma nəticəsində 12 min 751 nəfər xəstəxanaya yerləşdirilib. Hazırda Yaponiya bütün ölkə ərazisində davam edən istilərdən əziyyət çəkir. Bir sıra rayonlarda havanın temperaturu 39 dərəcə selsiyə çatır.

Zərərçəkən və ölən insanların əksəriyyəti əsasən evdə qənaət məqsədilə kondisioneri işlətməyən yaşlılardır. Ölkənin hakimiyyət orqanları sakinləri baş geyimi gəzdirməyə, daha çox maye qəbul etməyə və Günəş altında uzun müddət qalmamağa çağırır.

Xatırladaq ki, Yaponiyada ötən il güclü istilər və rekord səviyyədə yüksək temperatur nəticəsində 150 nəfər ölmüş, on minlərlə insan xəstəxanalara yerləşdirilmişdi.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.