İQTİSADİYYAT


Ötən həftə ərzində avtomobil yollarında görülən işlər açıqlanıb

Bakı, 19 noyabr, AZƏRTAC

Azərbaycan Avtomobil Yolları Dövlət Agentliyi (AAYDA) tərəfindən son həftə ərzində respublika ərazisində həyata keçirilən işlərlə bağlı məlumat açıqlanıb.

Agentliyin İctimaiyyətlə əlaqələr şöbəsindən AZƏRTAC-a verilən məlumata görə, həftə ərzində paytaxtda Alı Mustafayev küçəsinin yan yolları təmir edilib, Toğanalı-Kəlbəcər avtomobil yolu qar və buzdan təmizlənib.

Qeyd olunub ki, Kürdəmirdə 2 kəndi birləşdirən yolun yenidən qurulması işləri artıq yekunlaşır, “Keşikçidağ” qoruğuna gedən yeni avtomobil yolunun inşası isə davam etdirilir.

Bundan başqa, sözügedən müddətdə Basqal-Sulut avtomobil yolunun inşası ilə rahat gediş-gəliş təmin edilib, paytaxtda Ə.Salamzadə küçəsində yerləşən yol ötürücüsündə təmir işləri aparılacaq və həmçinin Xızı rayonunun Qarabulaq avtomobil yolu yenidən qurulur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.