DÜNYA


Ötən il 14 min 970 nəfər Gürcüstan vətəndaşı Aİ ölkələrindən sığınacaq istəyib

Tbilisi, 7 iyul, AZƏRTAC

Avropa İttifaqı ölkələrindən sığınacaq istəyən Gürcüstan vətəndaşlarının sayı hər il artır. 2021-ci ildə onların sayı 14 min 970-ə çatıb.

AZƏRTAC xəbər verir ki, bu barədə Avropa İttifaqının Sığınacaq üzrə Agentliyi (EUAA) məlumat yayıb.

Bildirilir ki, 2020-ci ildə Aİ ölkələrindən cəmi 6065 nəfər Gürcüstan vətəndaşı sığınacaq istəyib. Müraciətlərin sayının azalmasına əsasən, koronavirus pandemiyası səbəb olub.

Agentliyin hesabatında deyilir ki, Aİ-dən sığınacaq istəyən Gürcüstan vətəndaşlarının 37 faizi Fransa hökumətinə müraciət edib.

Aİ ölkələrindən sığınacaq istəyən Gürcüstan vətəndaşlarının 10 min 590 nəfərinə sığınacaq verilməsindən imtina olunub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.