Astara, 29 yanvar, Bağır Əliyev, AZƏRTAC

Ötən il Astara rayonunda 1405 daimi iş yeri açılıb. Yeni iş yerlərinin 41-i mövcud müəssisə və təşkilatlarda, 4-ü yeni yaradılmış müəssisə və təşkilatlarda, 1360-ı isə fiziki şəxslərdə yaradılıb.

Bu barədə AZƏRTAC-ın bölgə müxbirinə Astara Rayon Statistika İdarəsindən məlumat verilib.

Yeni iş yerlərinin 6-sı kənd təsərrüfatı, 2-si sənaye, 18-i tikinti, 3-ü ticarət, 1360-ı fiziki şəxslərin, qalanı isə digər sahələrin payına düşür.