Ötən il Avropa Yenidənqurma və İnkişaf Bankı Azərbaycanda 8 layihəyə 34 milyon avro investisiya yatırıb

Bakı, 10 yanvar, AZƏRTAC

Ötən il Avropa Yenidənqurma və İnkişaf Bankı (EBRD) Azərbaycanda 8 layihəyə 34 milyon avro investisiya yatırıb.

AZƏRTAC banka istinadla xəbər verir ki, hazırda EBRD-nin Azərbaycan üzrə portfelində 34 aktiv layihə var ki, bu layihələr üzrə portfel 801 milyon avro təşkil edir. Bunun 709 milyon avrosu infrastruktur layihələrinə, 73 milyon avrosu sənaye, ticarət və aqrobiznesə, 20 milyon avro isə maliyyə institutlarının payına düşüb.

Qeyd edək ki, EBRD bu günədək Azərbaycana 178 layihə üzrə 3,3 milyard avro investisiya yatırıb.