DÜNYA


Ötən il Çində qızıl istehlakı 37 faiz artıb

Bakı, 27 yanvar, AZƏRTAC

2021-ci ildə Çində qızıl istehlakı bir il əvvələ nisbətən 37 faiz artaraq 1120,9 tona çatıb.

AZƏRTAC xəbər verir ki, bu barədə məlumat Çin qızıl assosiasiyasının (China Gold Association) hesablamasına əsasən yayılıb.

Məlumata görə, istehlak göstəricisi hətta pandemiyadan əvvəlki 2019-cu illə müqayisədə də yüksək olub -12 faiz. O cümlədən zərgərlər tərəfindən tələbat 2020-ci ilə nisbətən 1,5 dəfə artaraq 711,29 ton, külçə və sikkələrə investisiya tələbatı 27 faiz artaraq 312,86 ton təşkil edib.

Bununla yanaşı, Çində daxili xammaldan qızıl istehsalı ötən il 10 faiz azalaraq 328,98 ton olub. Daha 114,58 ton qızıl isə idxal xammalından əldə edilib.

2021-ci ilin əvvəlində Şandun əyalətində qızıl hasil edən iki müəssisədə təhlükəsizliklə bağlı insidentlərin baş verməsi, həmçinin digər yerli mədənlərdə hakimiyyətin tələbi ilə yoxlamalar aparılması hasilatın həcminə mənfi təsir göstərib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.