DÜNYA


Ötən il Dubay aeroportlarında 170 minədək itirilmiş əşya aşkar edilib

Əbu-Dabi, 22 mart, AZƏRTAC

“Dubay aeroportları” şirkətinin təhlükəsizlik xidmətləri ötən il terminalların ərazisində sərnişinlər tərəfindən itirilmiş ümumən 169 462 əşya aşkar ediblər.

AZƏRTAC yerli KİV-lərə istinadla xəbər verir ki, tapıntılar arasında mobil telefonlar, “Rolex” firmasının saatları və içərisində külli miqdarda nağd pul olan çantalar var. Dubay polisinin Aeroportların Təhlükəsizliyi Baş Departamentinin direktoru Əli ben Laxej bildirib ki, 50 973 əşya sahiblərinə qaytarılıb, 5998 qiymətli əşya onların mənşəyi barədə araşdırma aparmaq üçün hüquq mühafizə orqanlarına təhvil verilib, özü də Dubay polisi qiymətli əşyaları qaytarmaq üçün onların sahiblərini hətta BƏƏ hüdudlarından kənarda axtarır.

Bildirilir ki, 2017-ci ildə Dubayın beynəlxalq aeroportlarının xidmətlərindən 91. 200. 261 sərnişin istifadə edib.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.