CƏMİYYƏT


Ötən il Ekologiya və Təbii Sərvətlər Nazirliyinin 850-yə yaxın işçisi attestasiyadan keçirilib

Bakı, 25 sentyabr, AZƏRTAC 

Ekologiya və Təbii Sərvətlər Nazirliyinin 6705 nəfər işçi heyəti var. Onlardan 668 nəfəri dövlət, 6037-si isə qeyri-dövlət qulluqçusudur. İşçilərin 5066 nəfəri kişi, 1639 nəfəri isə qadınlardır. Yəni, nazirlik əməkdaşlarının 75 faizi kişilərdən, 25 faizi qadınlardan ibarətdir.

AZƏRTAC xəbər verir ki, bunu Ekologiya və Təbii Sərvətlər Nazirliyinin İnsan resurslarının idarəedilməsi şöbəsinin müdiri Orxan Məhərrəmli “Ekspert saatı”nda deyib.

Onun sözlərinə görə, ötən il nazirliyin 850-yə yaxın işçisi attestasiyadan keçirilib. Onlardan 45 nəfəri yüksək nəticə göstərib. Həmin əməkdaşlardan 20 nəfəri daha yüksək vəzifələrə təyin olunub, 25 nəfərin isə dərəcələri artırılıb.

O.Məhərrəmli bildirib ki, ötən il nazirliyin 800 əməkdaşı müxtəlif kurslara, seminarlara, təlimlərə cəlb olunub. Bu il isə 300-ə yaxın əməkdaş onlayn təlimlərdə iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.