DÜNYA


Ötən il Gürcüstanda 60 minə yaxın cinayət faktı qeydə alınıb

Tbilisi, 5 fevral, AZƏRTAC

2018-ci ildə Gürcüstanda 58 mindən çox cinayət faktı qeydə alınıb. Bu da 2017-ci illə müqayisədə 53,94 faiz çoxdur.

AZƏRTAC xəbər verir ki, bu barədə Gürcüstanın Daxili İşlər Nazirliyinin statistik məlumatında bildirilib. Məlumatda deyilir ki, 2018-ci ildə törədilən cinayətlərin yalnız 34,64 faizinin (20 min) üstü açılıb. Ötən il qonşu ölkədə qəsdən adamöldürmə halları da artıb. Hesabat dövründə, ümumilikdə, 75 qəsdən adamöldürmə faktı qeydə alınıb ki, bu da illik müqayisədə 11,94 faiz çoxdur.

Qonşu ölkədə ailədaxili cinayətlərin də sayı artıb. Belə ki, 2018-ci ildə ailədə zorakılıq halları 2017-ci illə müqayisədə 122,17 faiz artaraq 4 min 700-ə çatıb.

Hesabat dövründə Gürcüstanda 1900-dən çox oğurluq və 374 soyğunçuluq faktı qeydə alınıb. Oğurluq halları illik müqayisədə 86,54 faiz, soyğunçuluq halları isə 28,52 faiz artıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.