ELM VƏ TƏHSİL


Ötən il Milli Azərbaycan Ədəbiyyat Muzeyi ictimaiyyətlə uğurlu əlaqələr qurub

Bakı, 11 yanvar, AZƏRTAC

Azərbaycan Milli Elmlər Akademiyasının (AMEA) institut və təşkilatlarının ictimaiyyətlə əlaqələr şöbələrinin 2018-ci il üçün hesabat iclası keçirilib. İclasda AMEA Nizami Gəncəvi adına Milli Azərbaycan Ədəbiyyatı Muzeyinin ictimaiyyətlə əlaqələr və mətbuat şöbəsinin 2018-ci il üzrə hesabatı da təqdim olunub.

Muzeydən AZƏRTAC-a bildiriblər ki, hesabata dair çıxış edən ictimaiyyətlə əlaqələr və mətbuat şöbəsinin müdiri, filologiya üzrə fəlsəfə doktoru Nəzmiyyə Yigitoğlu şöbənin ötən il uğurlu fəaliyyət göstərdiyini deyib. O, əvvəlcə 2018-ci il üçün www.nizamimuseum.az saytının “Xəbərlər” bölməsi üzrə yerləşdirilən materialların statistikasını diqqətə çatdırıb. Həmçinin 2018-ci il üzrə nizamimuseum.az-da ümumilikdə 259 xəbərin yerləşdirildiyini qeyd edib, eləcə də sayta ölkələr üzrə baxış və muzeyin fəaliyyətinin mediada işıqlandırılmasına dair statistikanı təqdim edib.

Məruzəçi Ədəbiyyat Muzeyində “Azərbaycan Xalq Cümhuriyyəti-100”, “İstiqlal dövrü Azərbaycan-Ermənistan münasibətlərində milli ziyalıların rolu”, “Şanlı və kədərli yüz illər”, “Həmişə bizimlə qalan qurucu” və digər mövzularda toplantıların keçirildiyini, görkəmli yazıçı, ədəbiyyatşünas alim və pedaqoq Mir Cəlal Paşayevin xatirə gecəsinin təşkil oldunduğunu qeyd edərək, bu kimi tədbirlərin saytda, eləcə də bütövlükdə ölkə mediasında operativ şəkildə işıqlandırıldığını bildirib.

N.Yigitoğlu saytda muzeyin filologiya problemləri üzrə elmi şurası və Qadınlar şurasının fəaliyyəti ilə bağlı mütəmadi olaraq xəbərlərin yerləşdirildiyini də qeyd edib.

O, 2018-ci ildə muzeyin direktoru, akademik Rafael Hüseynova Azərbaycan Milli Ordusunun yaranması və Azərbaycan polisinin 100 illiyi münasibətilə təsis olunmuş yubiley medalının təqdim olunduğunu nəzərə çatdıraraq, bu qəbildən olan mühüm hadisələrin saytda öz əksini tapdığını deyib.

Muzeyin ictimaiyyətlə əlaqələr və mətbuat şöbəsinin hesabatı qənaətbəxş hesab edilib, sual və təkliflər səsləndirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.