Ötən il dekabrda Kürdə batan şəxsin meyiti tapıldı VİDEO

Tovuz, 4 fevral, AZƏRTAC

Ötən il dekabrın 12-dən Kürdə batdığı ehtimal olunan şəxsin axtarışları nəticə verib. Tovuz rayonunun Qədirli kənd sakinləri 47 yaşlı Eldəniz Məmmədovun meyitini tapıblar.

AZƏRTAC xəbər verir ki, dərhal əraziyə Tovuz Rayon Polis Şöbəsinin və prokurorluğun əməkdaşları cəlb edilib. 45 gün idi itən şəxsin axtarışları aparılırdı. Onun Kürdə batması da ehtimallardan biri idi.

Eldəniz Məmmədovun meyiti batdığı ehtimal olunan ərazidən təxminən üç kilometr uzaqlıqda tapılıb. Qeyd edək ki, bir neçə gün əvvəl onun ov tüfəngi və balıq tutmaq üçün cərəyan artıran cihazı da həmin əraziyə yaxın yerdə aşkarlanıb.

Hazırda faktla bağlı Tovuz rayon prokurorluğunda araşdırmalar davam etdirilir.