İQTİSADİYYAT


Ötən il dünyada neft və qaz buruqlarının sayı artıb

Bakı, 9 yanvar, AZƏRTAC

Dünyada işləyən neft və qaz buruqlarının orta aylıq sayı ötən il olduğu kimi 2018-ci ildə də artıb. AZƏRTAC ABŞ-ın “Baker Hughes” neft servisi şirkətinə istinadla xəbər verir ki, 2017-ci ildə 2029 buruq işlədiyi halda, ötən il onların sayı 2211-ə bərabər olub.

Ötən ay dünya üzrə buruqların sayı azalaraq 2244 təşkil edib, halbuki noyabr ayında 2266 buruq işləyib. Dekabr ayının göstəricisi 2017-ci ilin analoji ayının göstəricisindən 155 buruq çox olub.

Ötən ay ABŞ-da qurğuların sayı noyabrla müqayisədə 1 vahid artaraq 1078 təşkil edib, Kanadada isə 57 buruq azalaraq 141-ə (2018-ci ilin mayından etibarən minimum say) bərabər olub.

Dünyada işləyən buruqların 54,3 faizi Şimali Amerikanın payına düşüb. Bu göstərici noyabr ayında 56,3 faiz təşkil edib.

Ötən ay Avropada işləyən buruqların sayı artaraq 12-dən 95-ə (2017-ci ilin mayından maksimum göstərici), Asiya-Sakit okean regionunda 9-dan 231-ə (2015-ci ilin martından ən yüksək səviyyə), Latın Amerikasında 8-dən 197-yə, Afrikada 5-dən 108-ə çatıb. Yaxın Şərqdə isə işləyən buruqların sayı sabit qalıb: 394.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.