Bakı, 17 fevral (AZƏRTAC). Ötən il ərzində paytaxtın bəzi avtomobil yolları tikilmiş və əsaslı təmir edilmiş, yol qovşaqları və tunellər istismara verilmişdir.

AZƏRTAC Azəryol.az saytına istinadla xəbər verir ki, bu dövrdə şəhərdə 104,4 kilometr yol təmir olunmuş, Dövlət Bayraq Meydanı ərazisindən keçən 2,8 kilometrlik magistral yol inşa olunmuşdur.

Bundan başqa, uzunluğu – 1200 metr, asma konstruksiyalı “Koroğlu” yol qovşağı kompleksi, uzunluğu 546 metr təşkil edən Həsən Əliyev küçəsi ilə Atatürk prospektinin kəsişməsində

avtomobil tuneli və uzunluğu 566 metr olan Bilgəh - Novxanı - Sumqayıt avtomobil yolunda Kardiologiya Mərkəzinin qarşısındakı avtomobil tunelinin tikintisi başa çatdırılaraq istifadəyə verilmişdir.