İQTİSADİYYAT


Ötən il qlobal neft tələbatı gündəlik 1,6 milyon barrel artıb

Bakı, 13 fevral, Nihad Budaqov, AZƏRTAC

2017-ci ildə qlobal neft tələbatı sutkalıq 1 milyon 600 min barrel artıb.

AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir. Hesabata görə, başda ABŞ olmaqla qlobal neft istehsalındakı çoxalmanın bu il tələbatdakı artımı keçəcəyi gözlənilir: “Əsasən ABŞ-da olmaqla, qlobal neft hasilatındakı sürətli yüksəliş tələbatdakı artıma çata bilər və bu, hazırda son 5 ilin orta göstəricisinə yaxın olan qlobal neft ehtiyatlarının atmasına gətirib çıxaracaq. 2018-ci ildə maye yanacaq istehsalındakı çoxalma qlobal tələbat artımı ilə eyni ola bilər”.

Beynəlxalq Enerji Agentliyinin məlumatına görə, 2017-ci ildə neft ehtiyatları 154 milyon barrel və ya gündəlik 420 min barrel azalıb: “Ehtiyatların bu qədər azalması neft hasilatının aşağı salınmasına dair razılaşmanın müvəffəqiyyətinin göstəricisidir. Lakin bu həmişə belə olmaya da bilər”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.