DÜNYA


Ötən sutka ərzində dünyada koronavirusa 643 mindən çox yoluxma qeydə alınıb

Bakı, 13 noyabr, AZƏRTAC

Noyabrın 12-də dünyada COVID-19 infeksiyasına rekord sayda – 643 min 42 yoluxma halı qeydə alınıb. Əvvəlki rekord 621 min 393 nəfərin yoluxduğu noyabrın 6-da müşahidə edilmişdi.

AZƏRTAC pandemiyanın statistikasını aparan Worldometer saytına istinadla xəbər verir ki, həmçinin ötən sutka ərzində COVID-19 infeksiyası səbəbindən 9 min 669 nəfər həyatını itirib.

Koronavirusa yoluxma hallarının ən çox müşahidə olunduğu ABŞ-da ötən gün 161 min 541 nəfərdə koronavirus infeksiyası aşkarlanıb ki, bu da ölkə ərazisində qeydə alınan ən yüksək göstəricidir. Birləşmiş Ştatlarda indiyədək 10 milyon 873 min 936 nəfər yeni koronavirusa yoluxub. Texas ştatında COVID-19 infeksiyasına yoluxanların sayı 1 milyon 65 min nəfəri ötüb. Kaliforniyada 1 milyon 7 min, Floridada 863 min, Nyu-Yorkda isə 582 min yoluxma faktı təsdiqlənib.

Bu göstəriciyə görə, ABŞ-dan sonra növbəti yeri Hindistan tutur - 8 milyon 729 min 190 nəfər. Braziliyada 5 milyon 783 min, Fransada 1 milyon 898 min, Rusiyada 1 milyon 880 min yoluxma halı qeydə alınıb.

Birləşmiş Ştatlar koronavirusdan ölənlərin sayına görə də dünya lideridir (248 min 585 nəfər). İlk beşliyə daxil olan Braziliyada 164 min 332, Hindistanda 128 min 722, Meksikada 97 min 56, Böyük Britaniyada isə 50 min 928 nəfər koronavirus infeksiyası səbəbindən həyatını itirib.

Xatırladaq ki, mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.