ELM VƏ TƏHSİL


Otmanbozdağ vulkanının təhlükə riski tədqiq olunub

Bakı, 27 yanvar, AZƏRTAC

AMEA-nın Geologiya və Geofizika İnstitutunun Palçıq vulkanizmi şöbəsinin əməkdaşları Qaradağ rayonunda yerləşən Otmanbozdağın təhlükə riskini tədqiq ediblər.

İnstitutdan AZƏRTAC-a bildirilib ki, tədqiqatlar “Norm” MMC ilə imzalanmış müqaviləyə əsasən reallaşıb. Belə ki, vulkanın 2017-ci və 2018-ci illərdə iki fazalı püskürməsi qeydə alınıb və bu da vulkan sahəsində yerləşən “Norm” MMC-yə məxsus qazpaylayıcı stansiya üçün təhlükə riskini formalaşdırıb.

Tədqiqatlar zamanı Azərbaycanın ən iri və aktiv palçıq vulkanlarından olan Otmanbozdağın yerləşdiyi sahənin gərginlik vəziyyəti qiymətləndirilib, yer qabığının, eləcə də tektonik dislokasiyaların hərəkət istiqamətləri müəyyən edilib. Paroksizm nəticəsində xaric olunan palçığın axma sürəti hesablanıb, şərq və qərb eruptiv mərkəzlərindən tullanan brekçiyanın potensial axma istiqamətləri üçün qanunauyğunluq müəyyənləşdirilib, həmçinin onların maksimal hərəkət sərhədləri göstərilib.

Kompleks tədqiqatlar nəticəsində potensial risk qiymətləndirilib və qazpaylayıcı stansiyanın yerinin dəyişdirilməsi tövsiyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.