DÜNYA


Özbəkistan: Gülnarə Kərimova təcridxanada saxlanılır

Bakı, 1 avqust, AZƏRTAC

Özbəkistanın sabiq prezidentinin böyük qızı Gülnarə Kərimovanın respublikanın Milli Təhlükəsizlik Xidmətinin təcridxanasında saxlandığı məlum olub.

AZƏRTAC xarici KİV-lərə istinadla xəbər verir ki, bunu Ferghana.ru internet-nəşrinin baş redaktoru Daniil Kislov özünün “Facebook” səhifəsində yazıb.

Gülnarə Kərimova barəsində cinayət işi hələ 2013-cü ilin oktyabrında, dələduzluq və vergidən yayınma maddələri üzrə açılmışdı. Məhkəmə onu 5 il azadlıqdan məhdudlaşdırma cəzasına – ev dustaqlığına məhkum etmişdi. Prezident İslam Kərimovun vəfatından sonra 2016-cı ilin sentyabrında Gülnarənin öldürüldüyü barədə xəbərlər yayılsa da, sonradan bu məlumatların yalan olduğu üzə çıxmışdı.

Bu il iyulun 28-də Özbəkistan prokurorluğu Gülnarə Kərimovaya qarşı cinayət işinin təhqiqatının davam etdiyini və onun həbs olunduğunu bildirib. Prokurorluğun məlumatına əsasən, iki cinayət işi üzrə dövlətə vurulan zərərin ümumi miqdarı təxminən 2 milyard dollara yaxındır. Özbəkistan, həmçinin Gülnarənin daxil olduğu cinayətkar qrupun 12 ölkədəki 1,5 milyard dollarlıq aktivlərinə həbs qoyulması barədə müraciət edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.