DÜNYA


Özbəkistan Müdafiə Nazirliyinin bayrağı və emblemi yaradılacaq

Daşkənd, 3 dekabr, АZƏRTAC

Özbəkistan Prezidenti Şavkat Mirziyoyev ölkəsinin Müdafiə Nazirliyinin bayraq və embleminin yaradılması haqqında Fərman imzalayıb.

AZƏRTAC xəbər verir ki, Müdafiə Nazirliyinin bayrağı göy rəngdə, düzbucaq şəkildə olacaq. Göy rəng hakimiyyət, əzəmət, ləyaqət, güc və qüdrəti təcəssüm etdirir. Bayrağın mərkəzində-üz və arxa tərəfdə Müdafiə Nazirliyinin emblemi əks ediləcək. Emblem göy haşiyəli, sarı rəngli dairədən ibarətdir. Emblemin ortasında səkkizguşəli ulduz var. Səkkizguşəli ulduz qədim Şərqdə milli arxitektura sənətinin əsas elementi olmaqla yanaşı, dövlətçiliyin, birliyin hərbi təcəssümüdür. Ulduzun mərkəzində isə böyük hökmdar və sərkərdə Əmir Teymurun at üstündə qızılı əksi təsvir olunacaq.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.