SİYASƏT


Özbəkistan portalları: Laçın rayonunda Azərbaycan bayrağı dalğalanır

Daşkənd, 1 dekabr, АZƏRTAC

Özbəkistanın “qalampir.uz”,” tnews.uz”,”kun.uz.uz” və “interpress.uz” portallarında Azərbaycan Ordusunun Laçın rayonuna daxil olması və bu şəhərdə Azərbaycan bayrağının dalğalanması haqqında materiallar verilib.

Qeyd olunur ki, noyabrın 10-da Azərbaycan Prezidenti İlham Əliyevin, Rusiya Federasiyasının Prezidenti Vladimir Putinin və Ermənistanın baş naziri Nikol Paşinyanın imzaladıqları birgə bəyanata əsasən, Ağdam, Kəlbəcər və Laçın rayonları Azərbaycana təhvil verilib.

“tnews.uz” portalı yazır ki, işğaldan azad olunan Ağdam, Füzuli, Cəbrayıl, Zəngilan, Qubadlı şəhərləri yerlə-yeksan olunub, bu şəhərlərdə bir dənə də olsun salamat bina, ev qalmayıb, infrastruktur məhv edilib. Kəlbəcər rayonunda isə evlər və meşələr yandırılıb.

Yazılarda sentyabrın 27-də Ermənistanın növbəti təxribatı nəticəsində Azərbaycan Ordusunun həyata keçirdiyi əks-hücum əməliyyatından söhbət açılır, Dağlıq Qarabağın tarixi haqqında məlumat verilir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.