CƏMİYYƏT


Özbəkistan vətəndaşı xalqımızla həmrəylik nümayiş etdirib

Daşkənd, 22 oktyabr, АZƏRTAC

Özbəkistan vətəndaşı, təqaüdçü Lutfulla Akbarov Gəncə hadisələrində zərər çəkən vətəndaşlarımıza ianə edib.

AZƏRTAC xəbər verir ki, bu haqda Lutfulla Akbarov Azərbaycanın Özbəkistandakı səfiri Hüseyn Quliyev ilə görüşündə deyib.

Səfir görüşdə Ermənistanın təxribatları, Azərbaycanın adekvat cavab tədbirləri görməsi, terrorçu Ermənistanın qədim Gəncə, Mingəçevir şəhərlərini, rayon və kəndlərimizi raket atəşinə tutması haqqında məlumat verib. Gəncə və digər ərazilərimizdə dağıntıların, həmçinin insan tələfatının, yaralıların olduğu diqqətə çatdırılıb.

H.Quliyev deyib ki, işğal altındakı ərazilərimizin bir hissəsi Azərbaycan Ordusunun əks-hücumu nəticəsində artıq azad edilib.

Lutfulla Akbarov AZƏRTAC-ın müxbirinə deyib ki, anası Kausar Mirzəyeva vaxtilə Gəncədə təhsil alıb, Bakıda doktorluq dissertasiyası müdafiə edib, uzun müddət Özbəkistanda müxtəlif vəzifələrdə çalışıb: “Ermənistanın qədim Gəncə şəhərini raket atəşinə tutması ürəyimi ağrıtdı. Televiziyada dağıntıları gördüm. Mən bilirəm ki, Gəncə Dağlıq Qarabağdan çox uzaqdadır. Cəbhə xəttindən uzaqda olan dinc şəhəri də raket atəşinə tutarlarmı? Belə görürəm ki, buna əmr verənlər ağlını itirib”.

O, söhbətinin sonunda deyib: “Azərbaycanın bütün torpaqlarının işğalçı Ermənistan ordusundan azad olunmasını arzulayıram. Bu yolda Azərbaycan Silahlı Qüvvələrinə uğur və tezliklə daha böyük zəfərlər diləyirəm”.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.