DÜNYA


Özbəkistanda kosmik fəaliyyətin inkişafı haqqında qanun layihəsi ictimaiyyətin müzakirəsinə çıxarılıb

Daşkənd, 5 noyabr, АZƏRTAC

Özbəkistanda kosmik fəaliyyətin inkişafı haqqında qanun layihəsi ictimaiyyətin müzakirəsinə çıxarılıb. Sənəddə deyilir ki, Özbəkistanda kosmik tədqiqatların və texnologiyaların inkişafı üçün lazımi təcrübə, intellektual ehtiyatlar və kosmik infrastruktur mövcuddur.

AZƏRTAC xəbər verir ki, layihədə Özbəkistan Respublikasının Nazirlər Kabineti yanında Kosmik Tədqiqatlar və Texnologiyalar üzrə Agentliyin yaradılması nəzərdə tutulur. Agentlikdə elmi-texniki və ekspert şurası fəaliyyət göstərəcək. Şuraya Müdafiə Nazirliyinin, Dövlət Geologiya Komitəsinin, İnnovasiya İnkişaf Nazirliyinin nümayəndələri daxil olacaq.

Proqramın konsepsiyası və layihəsinə görə müvafiq infrastrukturla bağlı obyektlər tikiləcək.

2019-cu il sentyabrın 1-dən Daşkənd Dövlət Texniki Universiteti, Özbəkistan Milli Universiteti və Daşkənd İnformasiya Texnologiyaları Universitetində “Tətbiqi kosmik texnologiyalar” kafedraları açılacaq və xarici ali məktəblərdə mütəxəssislər hazırlanacaq.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.